Ushtria izraelite ka filluar të pompojë ujin e detit në kompleksin e gjerë të tuneleve nëntokësore të Hamasit në Rripin e Gazës.
Kjo është raportuar nga Wall Street Journal, duke cituar zyrtarë amerikanë të njohur me operacionet e Forcave Mbrojtëse të Izraelit (IDF), transmeton Telegr
Kjo thuhet se është pjesë e një përpjekjeje intensive për të shkatërruar infrastrukturën nëntokësore që mbështeti operacionet e Hamasit.
Wall Street Journal raporton se pompimi i tuneleve me ujë nga Deti Mesdhe, është ende në fazat e hershme dhe një nga disa teknika që Izraeli po përdor për të pastruar dhe shkatërruar tunelet.
Lexo po ashtuKreu i shërbimit sekret izraelit, Shin Bet i shkruan letër Guterres-it: Mos ndërhyni
Times of Israel raporton se gazeta amerikane raportoi në fillim të këtij muaji se taktika “po shqyrtohet”, dhe se IDF-ja kishte instaluar pesë pompa të mëdha uji pranë kampit të refugjatëve Shati në qytetin e Gazës.
Thuhet se ata mund të përmbytin plotësisht tunelet brenda pak javësh duke pompuar mijëra metra kub ujë çdo orë.
Herz Halevi, shefi i shtabit të IDF-së, tha javën e kaluar se përmbytja e tuneleve ishte një “ide e mirë”, por nuk pranoi të komentonte mbi detajet. /Telegrafi/
