Arrestohet 38-vjeçari nga Kondova e Shkupit, në veturën e tij i gjenden rreth 20 mijë euro

Me datë 07.12.2023 në ora 17:20 në fshatin Kondovë, Shkup, zyrtarë policorë të BSP-së kanë privuar nga liria Z.J.(38) nga i njëjti fshat, për shkak të dyshimit për kryerjen e veprës penale nga neni 273 i Kodit Penal. Gjatë kontrollit të veturës “golf” me tabela regjistrimi të Shkupit, të cilën ai e drejtonte, i janë gjetur dhe konfiskuar kartëmonedha me vlerë të përgjithshme rreth 20 mijë euro. Ai është ndaluar në komisariat dhe pas zbardhjes dhe dokumentimit të plotë të rastit do të vijojë parashtresa përkatëse.