Komuna Qendër zhvillon trajnime për mësimdhënësit dhe bashkëpunëtorët profesional nga të gjitha shkollat e komunës për njohjen e hershme, zgjidhjen dhe parandalimin e dhunës së bashkëmoshatarëve (bullizmit). Trajnimet mbahen në bashkëpunim me Shoqatën “Yjësitë Evropiane” në KSP Qendrën – Bërthama nga profesorë universitarë.
Kryetari i komunës, Goran Gerasimovski, theksoi se në fillim të vitit shkollor, mësimdhënësit dhe bashkëpunëtorët profesional të shkollave ndjekin sesione treditore për njohjen dhe zgjidhjen e rasteve të bullizmit.
“Dhuna e bashkëmoshatarëve është një problem serioz për të cilin ne si vetëqeverisje lokale, nën kompetencën e të cilave janë shkollat fillore, kemi përgjegjësinë të marrim të gjitha masat dhe aktivitetet për siguri më të madhe në institucionet arsimore. Çdo injorim i dhunës ndërpersonale mund të lërë pasoja të qëndrueshme për personin dhe familjen. Qëllimi ynë është të parandalojmë që kjo të ndodhë. Të gjithë kemi përgjegjësi, edukimi vjen nga shtëpia, por ju si mësues dhe shërbime profesionale duhet të vini në dukje dhe të parandaloni atë që na mungon. Pres nga ju si staf mësimor dhe profesional që t’i kushtoni vëmendje këtyre dukurive në shkolla dhe të veproni në përputhje me rrethanat në mënyrë që situatat të zgjidhen pa dhimbje”, ka thënë Gerasimovski para stafit që ndjek trajnimet.
