Një zyrtar policor në Drejtorinë e Policisë Kufitare është suspenduar mbrëmë me rekomandim të Inspektoratit Policor të Kosovës, raporton Gazeta Sinjali.
Sinjali ka mësuar ekskluzivisht se zyrtari policor kufitar që është suspenduar është Gani Çeku, i cili më parë ka qenë pjesë e Policisë së Trafikut në Gjakovë.
Çeku është suspenduar si pasojë e një postimi që ka bërë gjatë ditës së djeshme në llogarinë e tij në Facebook.
Në postimin e siguruar nga Sinjali që i kushtoi me suspendim, Çeku ka shkruar “Fort po me shkon mendja me i formu disa struktura paramilitare Shipëtare?! – A KA VULLNETARË!”.
Rastin e kanë konfirmuar për Gazetën Sinjali edhe nga drejtori i Departamentit të Kufirit.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
