Njohësi i çështjeve demografike dhe statistikore, Ridvan Ismaili në profilin e tij në Facebook ka bërë me dije se si pasojë e bilancit negativ të shtimit të popullsisë maqedonase, ata rrezikojnë humbjen e 5 deri 6 deputetëve. Reagimi i tij vjen pasi që kryetari i VMRO-DPMNE-së, Hristijan Mickoski tha se shqiptarët në zgjedhjet e 8 majit mund të fitojnë 25 deputet. Ja postimi i plotë i Ridvan Ismailit:
Nga zgjedhjet e kaluara parlamentare të vitit 2020 e deri më sot, vetëm në rrugë natyrore, trupi votues i etnitetit maqedonas ka humbur -36.459 persona (vota), apo përkthyer në mandate deputetësh, 5 deri 6 deputet.
E gjithë kjo vetëm si rezultat i bilancit negativ nga lëvizja natyrore e popullsisë. Ndërsa, te etniteti shqiptarë për këtë periudhë kemi shtim natyror pozitiv me +8800 persona.
