Qeveria nuk lejon zgjedhjet serbe në Kosovë, OSBE-ja përkrah format e mëparshme të procesit

Serbëve që jetojnë në Kosovë do t’ju duhet t’ia mësyjnë Serbisë nëse duan të votojnë në zgjedhjet që do të mbahen më 17 dhjetor. Kjo pasi Qeveria e Kosovës nuk do të lejojë zhvillimin e këtij procesi zgjedhor. Serbia nuk ka pranuar kushtin e kryeministrit Albin Kurti për marrëveshje paraprake dhe ka njoftuar komisionin e saj zgjedhor se në Kosovë nuk do të ketë zgjedhje. Qeveria nuk do të lejojë mbajtjen e zgjedhjeve të Serbisë në Kosovë më 17 dhjetor. Të mërkurën, nga ekzekutivi përsëritën qëndrimin e kryeministrit Albin Kurti se në mënyrë që ky proces të zhvillohet, duhet arritur paraprakisht marrëveshje me Serbinë.