Izet Mexhiti nga VLEN, gjatë prezantimit të bartësve të listave të koalicionit dhe të programin “Plani 2030” në Tetovë, tha se nëse bëhen pjesë e qeverisë, do të shpërndajnë aksione të ndërmarrjeve publike tek qytetarët, përcjell TV21. Mexhiti thotë se sipas llogaritjeve të VLEN, secili qytetar do të merrte nga 10.000 euro.
“Ne si koalicion VLEN në Qeveri do të kthejmë ndërmarrjet shtetërore në dorë të qytetarëve. Qeveria do t’u shpërndajë qytetarëve 49% të aksioneve të ndërmarrjeve publike, duke mbajtur për vete 51% të aksioneve që do të mund të menaxhohet përmes modeleve koncesionare apo partneritetit publiko-privat. Vlera e përgjithshme e ndërmarrjeve është afro 20 miliardë euro, e kjo do të thotë se secilit qytetar do t’i shpërndajmë aksione në vlerë prej 10.000 euro”, tha Mexhiti./tv21.tv
