Arbër Ademi nga Fronti Europian thotë se VLEN është në situatë të palakueshme në negociatat për qeveri me VMRO-DPMNE-në, përcjell TV21. Ademi thotë se kërkesat e VLEN-it nuk po respektohen nga VMRO-DPMNE.
Koalicioni Vlen është në një situatë të palakueshme, një situatë e vështirë. Në njërën anë janë të dehur nga dëshira që me çdo kusht për të qenë në pushtet nga ana tjetër kërkesat e tyre kryesore po e shohim se as për së afërti nuk respektohen. Në qoftë se i përcjellni deklaratat e tyre, ata kanë thënë nuk ka Qeveri pa ndryshimet kushtetuese ndërsa sot thonë se t’i presim zgjedhjet në Bulgari, në Europë, mbrëmë e dëgjova z.Taravarin thotë t’i presim zgjedhjet në SHBA, pastaj në janar duhet të fillojë administrata e re me punë. Pas zgjedhjeve në SHBA do të thonë t’i presim zgjedhjet në Francë, Gjermani Britani, Spanjë e Itali, dhe assesi të ndalen tek çështja kruciale për të cilën edhe deklaratë kanë nënshkru që para zgjedhjeve se nuk ka Qeveri pa ndryshime kushtetuese”, tha Arbër Ademi – Fronti Europian.
