Me rastin e Ditës Botërore të Fëmijës – 20 Nëntor, Zyra e UNICEF-it në Shkup dhe Kuvendi i Republikës së Maqedonisë së Veriut do të organizojnë ngjarje të titulluar “Fëmijët e marrin Kuvendin”.
Në ngjarje fjalime do të kenë kryetari i Kuvendit Talat Xhaferi dhe përfaqësuesja e UNICEF-it në vend Patricia Di Xhovani, ndërsa më pas ështe planifikuar që fëmijët të ndërmarrin seancën e Kuvendit, ku do të flasin për temat që ata kanë zgjedhur si më të rëndësishmet.
Mes tyre janë çështjet e arsimit cilësor, pjesëmarrje në vendimamrrje që e ndikojnë në jetën e tyre dhe gjendjen e shëndetit mendor.
“Qëllimi i ngjarjes, e ciëa fëmijëve dhe të rinjve do t’u japë hapësirë që t’i ndajnë pikëpamjet e tyre, është që deputetët nga afër të dëgjojnë për progresin në lidhje me të drejtat e tyre. Fëmijët dhe të rinjtë para zgjedhësve të popullit do t’i shtrojnë pyetjet, nevojat dhe shqetësimet e tyre më urgjente. “Fëmijët e marrin Kuvendin” paraqet një mundësi për të folur edhe për disa nga rekomandimet nga Perceptimet e fundit përmbyllëse të Komisionit për të drejtat e fëmijëve”, theksojnë Kuvendi dhe UNICEF-i.
Këtë vitë vendi feston 30 vjetorin nga ratifikimi i Konventës për të Drejtat e Fëmijëve dhe 30 vjetorin e punës së UNICEF-it.
Për datën e Ditës Botërore të Fëmijës është zgjedhur 20 nëntori që është dhe përvjetori i miratimit të Konventës për të Drejtat e Fëmijëve. Shënohet si një ditë për aktivitetet nga fëmijët për fëmijët në nivel global.
