Koalicioni Vlen kërkon nga Gjykata Kushtetuese të mos hapë kutinë e Pandorës. Vlen konsideron se nisma për Ligjin e Gjuhëve në Kushtetuese përbën përpjekje për grusht shteti.
“Trupi Koordinues i VLEN-it pa dashur të ndërhyjë në punët e Gjykatës Kushtetuese e vlerëson si të rrezikshme dhe të papranueshme nismën e tyre për të vlerësuar kushtetutshmërinë e Ligjit për Përdorimin e Gjuhëve. Ne vlerësojmë se kjo nismë, e cila buron nga forca të njohura për qëndrimet e tyre kundër NATO-s, nuk është asgjë më shumë se një përpjekje për grusht shteti me eksperimente juridike. Nëse një nismë e tillë pranohet, hapet Kutia e Pandorës për të gjitha arritjet kyçe të shtetit, duke përfshirë edhe ndryshimin e emrit kushtetues, i cili gjithashtu u realizua pa nënshkrimin e presidentit të atëhershëm, Gjorge Ivanov, e që mundësoi anëtarësimin në NATO. Një akt i tillë do të minonte stabilitetin dhe sovranitetin e Republikës së Maqedonisë së Veriut, duke kërcënuar seriozisht orientimin e saj euro-atlantik”, theksohet në njoftimin e koalicionit Vlen pas mbledhjes së Trupit Koordinues. Në këtë takim është diskutuar edhe për interpelancën nga kreut të Kuvendit Afrim Gashi, duke e cilësuar nismën si ekspertimet të pakuptimtë politik dhe përpjekje për destabilizim.
