Doktori që arriti të transplantojë 300 zemra te pacientët me nevojë
Të dëgjosh lajme për emra shqiptarë të suksesshëm në diasporë tashmë është bërë normale. Numrit të sukseseve në diasporë pa dyshim se i shtohet edhe mjeku kardiokirurg, Bedri Ramadani.
Platforma Albinfo.ch kësaj radhe sjell një storie suksesi në fushën e mjekësisë.
Bedri Ramadani është doktor në shtetin e Gjermanisë. Përfundoi me sukses studimet-specializimet e larta për mjekësi dhe tani ushtron profesionin e tij si mjek kardiokirurg në qytetin Dyseldorf.
Ai qe shumë vjet ushtron profesionin e tij në Universitätsklinikum Düsseldorf, klinikë kjo shumë e njohur për sukseset e ndërhyrjeve kardio.
Ai tashmë është ndër specialistët e rrallë në kardiokirurgji për ndërhyrjet minimalinvazive të valvulave të zemrës, posaçërisht rekonstruksioni i valvules mitrale, disektionet e aortes, por edhe transplantimet e zemrës, endokarditidi infekcioz dhe shumë ndërhyrje të kombinuara në zemër.
Doktor Ramadani thuhet se deri tani ka kryer me sukses mbi 6000 ndërhyrje në zemër dhe ka transplantuar zemrën e 300-të.
