Nga policët e rinj që nisën punën në veri të vendit në korrik të këtij viti, 45 nga 74 të tillë janë komunitetit serb.
Ata punën u parapanë që ta kryenin në stacionet policore në katër komunat me shumicë serbe, Mitrovicë e Veriut, Leposaviq, Zubin Potok e Zveçan në korrik.
Mirëpo që atëherë, sipas Raportit të Organizatës joqeveritare “Qendra Avokuese për Kulturë Demokratike”, 9 zyrtarë policorë kanë dhënë dorëheqje deri më tani.
Zëvendësdrejtori i Policisë së Kosovës për rajonin e veriut, Veton Elshani tha se policët po japin dorëheqje pasi ata zhvillojnë takime në Rashkë të Serbisë dhe pas ardhjes nga atje po dorëhiqen.
“Atë që ne kemi parë është presion politik, janë zhvilluar disa takime në Rashkë, diskutohet me ta dhe pas ardhjes së tyre, ata japin dorëheqje. Ne i kuptojnë kolegët tonë serbë, i kemi kuptu edhe ata më herët, mirëpo nëse një herë e lëshon Policinë, polic nuk je më. Në momentin që polici nuk ndjehet mirë me atë rast, tërhiqet nga ai rast kthehet në stacion. Policët, kolegët tanë serbë i kanë të gjitha mundësitë” – tha Elshani.
Organizata joqeveritare “Qendra Avokuese për Kulturë Demokratike ka publikuar raportin “Vlerësimi i gjendjes së gjyqësorit dhe policisë në veri të Kosovës”.
Në këtë dokument janë prezantuar ndikimi dhe sfidat që kanë ardhur pas dorëheqjeve të serbëve të Kosovës.
Pjesëmarrës në panelin e kësaj konference ishin Veton Elshani – zëvendësdrejtori i Policisë së Kosovës në Mitrovicën e Veriut, Lumnije Surdulli nga Gjykata e Mitrovicës së Veriut dhe Dusan Radakovic – drejtori ekzekutivit i ACDC-së.
Në këtë konferencë po ashtu pati edhe pjesëtarë të misionit të NATO-s në Kosovë, KFOR e edhe qytetarë të tjerë.
