Në Qendrën për Mbështetje të Familjeve Kujdestare “11 Tetori” në Shkup sot do të prezantohet fushata për familjet kujdestare “Çdo fëmijë ka nevojë për familje”.
Fushatën, siç është paralajmëruar, do ta prezantojnë ministrja e Punës dhe Politikës Sociale, Jovana Trençevska dhe përfaqësuesja e UNICEF-it, Patricia DiXhovani.
Në këtë ngjarje do të marrin pjesë familje kujdestare dhe persona profesionistë nga Qendra për Mbështetje të Familjeve Kujdestare. Ata do të kenë mundësi të ndajnë përvojat e tyre, do të flasin për atë se çfarë mbështetje institucionale u duhet kujdestarëve dhe si të përmirësohet cilësia e shërbimeve dhe rritja e numrit të familjeve kujdestare.
