Mëngjesin e sotëm policia ka kryer kontroll tek mjekët nga Klinika e Onkologjisë, njofton “Sloboden Peçat”.
Sipas njoftimit ka edhe mjekë të arrestuar. Kërkimet janë pjesë e aksionit që ish-ministri Oliver Spasovski ka nisur para disa muajsh me prokurorinë e Shkupit për serinë e keqpërdorimeve që kanë ndodhur në këtë klinikë.
Policia kishte intervenuar edhe para disa muajve, pas cka prokuroria filloi procedurë para hetimore.
Pritet që gjatë ditës të dihen informacione më konkrete nga prokuroria për aksionin e sotëm të policisë në Onkologji.
