“Total Engineering Strumica”, kompania ndërtimore e biznesmenit Vice Zaev, javën e kaluar u bë pronare e re e kompanisë “Bojana BS Panel”, kompani e cila më parë ishte në pronësi të Boro Stojçevit, i arrestuar dhe dënuar për kontrabandë cigaresh gjatë kohës sa ishte kryetar i komunës së Novosellës.
Këto kompani merren me prodhimin e energjisë elektrike me seli në komunën e Novosellës.
Ish kryetari i komunës së Novosellës nga LSDM-ja, Boro Stojçev, së bashku me një person tjetër fizik, në mars të vitit të kaluar kanë themeluar kompaninë për prodhimin e energjisë elektrike Bojana Energy, shkruan Faktor.
Ndryshe, në vitin 2018, Stojçev, së bashku me katër persona të tjerë, gjatë kohës që ishte kryetar komune, u kap duke tentuar të kontrabandonte cigare në afërsi të kufirit maqedono-bullgar. Me këtë janë konfiskuar rreth 3300 paketa cigare në vlerë prej mbi tre milionë denarë dhe është dënuar me 18 muaj burgim, i cili më pas është ulur në gjysmë viti.(INA)
