“Grupi i zjarrit”, futja e Ramiz Merkos në Listën e zezë amerikane dhe ndodhitë e tjera në subjektin e drejtuar nga Ali Ahmeti, janë ndodhi të çudishtme që i ndodhin BDI-së, sipas kreut të ASh-së, Arben Taravari.
Në emisionin “Vin Vin” në Tv Telma, ai theksoi se partia e Ahmetit e cila për 20 vite ndodhet në pushtet, për momentin ka desinkronizim total.
“Kjo që po ndodh në BDI është diçka e çuditshme. Ndodh desinkronizim aty”, theksoi Taravari.
Në lidhje me sulmet e partisë së Mickoskit ndaj BDI-së, kreu i ASH-së, u shpreh se VMRO-DPMNE ndoshta në pavetëdije e bën këtë me çka e rrit rejtinngun e partisë së Ahmetit. Nuk e përjashtoi mundësinë që këto dy partitë politike po bëjnë fushatë me njëra-tjetrën, praktikë që ka ndodhur edhe më herët mes tyre, shtoi ai.
