Gjatë rrëmbimit të vajzës së mitur është përdorur vetura e të moshuarit të vrarë në Veles, derisa viktimat nuk janë njohur me njëri-tjetrin, kështu deklaroi në konferencën e sotme ministri i Punëve të Brendshme, Oliver Spasovski. Sipas tij rrëmbimi i vajzës është bërë me informacion paraprak nga babai i saj.
“Pikërisht me atë automjet është marrë e mitura në hyrje të objektit, gjegjësisht banesës, pasi më herët, sipas deklaratave të të dyshuarve, babai ka ndarë informacione me organizatorin për ditën dhe orën e largimit të saj nga shtëpi”, tha Spasovski.
