Tetori është pa diskutim muaji kuqezi. Dy fitoret e fundit, kundër Republikës Çeke dhe Bullgarisë, kanë dhënë efekt të menjëhershëm në renditen mujore të publikuar nga FIFA.
Ashtu siç pritej, ekipi i Silvinjo-s ka fituar tre pozicione të tjera, duke u renditur tashmë në vendin e 59-të. Që nga momenti kur Silvinjo është ulur në stol, kombëtarja e Shqipërisë ka pasur vetëm rritje.
Me 1.396 pikë në total, Shqipëria vijon progresin, por askush nuk dëshiron të ndalet këtu, për këtë arsye dy ndeshjet e nëntorit janë shumë të rëndësishme, ku kërkohen 6 pikë të plota edhe për renditjen e FIFA. Kujtojmë që rekordi historik i Shqipërisë është vendi i 22-të, gjatë kohës së De Biasit.
