Shqipëri, më shumë institucione në shënjestër të hakerëve

Më shumë institucione ishin në shënjestër të hakrëve në Shqipëri. Ndër faqet e hakuara është edhe ajo e Kuvendit të Shqipërisë. “Homeland Justice” përmes një njoftimi shkruan se deputetët e korruptuar do të shkatërrohen së shpejti. Prej kohësh, në Shqipëri kompani të mëdha janë duke u përballur me hakerat të cilët vjedhin të dhënat personale të konsumatorëve. Përvec parlamentit, “Homeland Justice” ka hakeruar edhe kompaninë celulare dhe kompaninë ajrore. Përmes postimeve në “Telegram”, hakerët njoftuan se kanë akses tek të gjitha të dhënat e kompanisë Air Albania dhe të dhëna prej 2 petabajt të mijëra shqiptarëve të regjistruar në One Albania. Ky grup hakerash është i njëjti me atë që sabotoi sistemet qeveritare të Shqipërisë një vit më parë.