Kryetari i Kuvendit të ASH-së, Ziadin Sela derisa komentoi tubimin e mbrëmshëm të ASH-së tha se Taravari po mundohet ta kontrabandoj partinë për interesa të tija personale.
“Patjetër që e kemi shumicën, presim që të zbatohen vendimet e organeve të partisë. Ne kemi marr një vendim në Këshillin Drejtues që në të njëjtën kohë është edhe Komisioni Kadrovik i partisë dhe sot duhet që të implemtohet ajo që e ka marr si vendim ASH-ja… Kuvendi qendror mbahet nesër, ai që me statut e thërret Kuvendin Qendror është kryetari i Kuvendit Qendror, tani këto lloj formash që do bëjmë një tubim dhe nga tubimi Kuvend dhe nga Kuvendi do bëjmë mbledhje të Kryesisë Qendrore mendoj se janë gjeste joseroze, që në fund të ditës i nxjerrin fytyrat e vërteta të atyre që realisht janë puçista të partisë”, tha Sela duke shtuar se kjo është e çuditshme sepse kryetari i partisë po shndërrohet në fraksion.
“Nesër mbahet Kuvendi Qendror dhe unë dua të rezervohem nga kualifikimet e ndryshme. Ky (Taravari) po mundohet ta kontrabandoj partinë, ko r interes të partisë dhe popullit por për interesa të nevojave personale, gjë që do ta dëshmojë koha”, u shpreh Ziaddin Sela, kryetar i Kuvendit të ASH-së.
