Pas fundosjes së një anijeje tjetër të ushtrisë Putinit, deklarohen ukrainasit: Shkatërruam një të tretën e flotës ruse
Ukraina pretendon se ka shkatërruar ose paaftësuar një të tretën e flotës ruse të Detit të Zi, pas inteligjenca ushtarake njoftoi se kishte fundosur një tjetër anije luftarake ruse mbrëmë në një sulm me dron detar në brigjet e Krimesë.
Anija ruse Cezar Kunikov u sulmua nga dronët “Magura V5”, shpërthimet e të cilëve bënë “vrima të mëdha” në anën e majtë të anijes para se të fundosej, njoftoi agjencia e inteligjencës ushtarake ukrainase në Telegram.
“Ukraina paaftësoi një të tretën e flotës ruse të Detit të Zi gjatë një pushtimi në shkallë të gjerë”, thanë forcat e armatosura të vendit për CNN pas sulmit të fundit.
Nëse kjo është e vërtetë, është një sukses magjepsës sepse Ukraina është një vend pa marinë.
Javën e kaluar, Ukraina njoftoi se kishte paaftësuar rreth 33 për qind të luftanijeve ruse, pra 24 anije dhe një nëndetëse.
Nëse shifrat ukrainase janë të sakta, anija Cezar Kunikov do të ishte anija e 25-të e paaftësuar.
Sulmi i mbrëmshëm është kryer nga njësia e forcave speciale të agjencisë “Grupi 13” në bashkëpunim me forcat e sigurisë dhe mbrojtjes ukrainase, thuhet në njoftimin për shtyp.
Pamjet e publikuara nga Ukraina tregojnë një dron detar që po shkonte me shpejtësi drejt Cezar Kunikov, i ndjekur nga një re e madhe tymi që ngrihej nga anija.
CNN nuk mundi të konfirmonte në mënyrë të pavarur pretendimet e Ukrainës, e Kremlini nuk pranoi të komentonte mbi sulmin.
“Ka lidhje me rrjedhën e një operacioni të posaçëm ushtarak, i cili është në varësi të ministrisë së Mbrojtjes. Ju sugjeroj t’i referoheni deklaratave të kolegëve tanë ushtarakë. Nuk mund të them asgjë për këtë”, tha zëdhënësi i Kremlinit, Dmitry Peskov në një konferencë për shtyp.
Sulmi i mbrëmshëm është i fundit në një seri sulmesh ukrainase ndaj marinës ruse në Detin e Zi. Ukraina, përkatësisht, po përpiqet të shkaktojë goditje strategjike dhe simbolike mbi forcat ruse që aneksuan Krimenë në vitin 2014.
Ndërsa pushtimi rus i Ukrainës i afrohet përvjetorit të dytë, linjat e betejës kanë qenë kryesisht statike për muaj të tërë.
Por që nga viti i kaluar, Ukraina është kthyer në Detin e Zi, duke thënë se sulmet e saj ndaj Krimesë dhe anijeve ruse kanë për qëllim izolimin e gadishullit dhe t’ia vështirësojnë Rusisë të kryejë operacione ushtarake në Ukrainë.
