Policia e Kosovës ka bërë të ditur se ka parandaluar mbrëmë në orët e vona një rast të kontrabandimit të mallrave në fshatin Jashanicë të komunës së Leposaviqit.
Sipas Policisë, i dyshuari me të vërejtur se është diktuar nga Policia e Kosovës kishte braktisur automjetin dhe ka ikur në drejtim të panjohur.
Pas kontrollimit të automjetit vërtetohet se i njëjti ishte i mbushur me gjëra ushqimore dhe pije alkoolike.
“Policia e Kosovës me njësitet e saj po punon me përkushtim në menaxhimin dhe kontrollin e vijës kufitare, si dhe parandalimin e veprave penale që ndërlidhen me kontrabandën apo kalimet e paautorizuara të kufirit shtetëror”, thuhet ne njoftimin e PK-së.
Tutje u tha se në lidhje me rastin janë informuar njësitet relevante dhe automjeti është dërguar në Terminalin Doganor për procedura të mëtutjeshme ligjore.
