James O’Brien, Ndihmës Sekretari Shtetërorë për Evropë dhe Euroazi potencoi se Plani i Zgjerimit i Bashkimit Evropian është një plan që nuk është parë më herët, pasi sipas tij, do të ketë një format më ndryshe. Ai theksoi se do të krijojnë mundësi që qytetarët e këtij rajoni të bëhen pjesë e unionit së shpejti.
“Jam i nderuar që jam këtu, i kënaqur që Maqedonia e Veriut është nikoqir. SHBA-ja ka qenë gjithmonë me Maqedoninë e Veriut, jemi krenar që jemi aleatë, që punojmë me këtë qeveri… Ne do të zhvillojmë ide praktike që do të lejojnë njerëzit që të zhvillojnë ekonominë. Ky regjion ka shumë iniciativa. Ne pajtohemi publikisht që gjashtë shtetet të punojnë së bashku që njerëzit e këtij regjioni të kenë mundësi reale dhe të mund të bëhen pjesë e unionit së shpejti. Ky është një moment i mirë që të ecim përpara”, tha O’Brien. /Alsat.mk
