Zëvendësdrejtori i Ndërmarrjes Publike “Rrugët Shtetërore”, Nazim Taipi në intervistë për Alsat ka denoncuar ekskluzivisht se në trasenë e Korridorit 8 në rrugën Tetovë-Gostivar ka dyshime se janë lejuar ndërtime edhe pas vendimit që të mos jepen leje për punime janë dhënë pëlqime dhe janë bërë investime.
Sipas Taipit, një ndërtim që është bërë dyshohet se ka nxjerr informacion nga kalojnë traseja e autostradës dhe për këtë arsye është investuar në të.
Ai gjithashtu foli edhe për dyshimet që sipas tij janë ngritur posaçërisht në aksin Gostivar-Bukojçan ku akoma nuk ka procedurë shpronësimi.
Aty sipas tij, funksionarë nga pushteti i kaluar dyshohet të kenë blerë toka që më pas të kushtëzojnë shpronësimin e tyre me çmime jashtë standardeve.
