Në klinikën e fëmijëve në Kozle është konfirmuar një rast me kollin e keq. Pacienti është një foshnje 6 muajshe, thonë nga spitali.
Drejtori i Institutit të Shëndetit Publik thotë se në vitin 2023 në vendin tonë janë regjistruar 3 raste me pertusis, i njohur si kolli i keq, që të gjitha rastet ishin në Shkup, ndërsa më i fundit ishte në muajin dhjetor.
Përveç këtyre rasteve një pacient në këtë spital është i diagnostifikuar me Kovid 19, ndërsa vetëm prej më datë 1, deri më 7 janar janë evidentuar 72 raste të reja. Për shkak të ndotjes dhe temperaturave të ulëta, është rritur numri i pacientëve nëpër spitalet e vendit. / Alsat.mk
