“Shëndeti publik i prek të gjithë”, është titulli i konferencës, e cila mbahet sot, me fillim në ora 10, në hotelin “Aleksandar Pallas” në Shkup. Konferecën do ta hapin Elizabeta Gjorgjievska, bashkëshortja e presidentit të Maqedonisë së Veriut dhe Patricia DiXhovani, përfaqësuese e UNICEF-it.
Në panel-diskutimin “Shëndeti mental i fëmijëve dhe adoleshentëve – Nevoja për veprim ndërsektorial” do të marrin pjesë ministrat e Shëndetësisë dhe të Arsimit dhe Shkencës, Fatmir Mexhiti dhe Jeton Shaqiri dhe zëvendës ministri i Punës dhe Punës Sociale, Enver Hysein.
“Për trendet globale në shëndetin mental do të flasë Gabriele Fontana, këshilltar për shëndet dhe ushqim, Zyra rajonale e UNICE-it për Evropë dhe Azinë Qendrore, ndërsa rezultatet kyçe nga programet për shëndet publik të fëmijëve dhe adoleshentëve të UNICEF-it në Maqedoninë e Veriut do t’i prezantojë Artur Ajvazov, zëvendës përfaqësues i UNICEF-it”, informojnë organizatorët.
