Gjatë studimeve jam zgjedhur kryetar i studentëve dhe është njësoj si në politikë. Me fjalë të tjera, ju votoheni nga studentët ashtu siç votoni në zgjedhje, merreni edhe me struktura si qeveria dhe parlamenti, deklaroi Agron Demiri, kandidati për deputetë i LSDM në zonën e 6, i pyetur për motivet e hyrjes në politikë.
“Gjithmonë kam qenë i mendimit që të rinjtë të merren me politikë, përmes politikës mund t’i zgjidhim problemet më shpejt. Kam shumë miq të ngushtë që më mbështesin, disa thonë se nuk më intereson politika, por disa pyesin. Nuk them që të gjithë duhet të merren me politikë, por ne shohim vetëm politikën e të vjetërve. Megjithatë, LSDM-ja u jep shanse të rinjve, nuk jam i vetmi i ri në listat e LSDM-së, ka shumë të rinj vendimmarrës dhe shumë të rinj që do të jenë në pozita pas 8 majit”, tha Demiri.
Ai tregoi se është misioni i tij personal që të hyjë në politikë përmes aktivizmit rinor dhe të mbështesë aktivistët e ardhshëm rinorë në të ardhmen.
“Por unë nuk po flas vetëm me të rinjtë, po flas me të gjithë qytetarët, po u tregoj atyre se ky është një moment kyç për vendin tonë dhe prandaj kërkoj mbështetjen e secilit person”, tha Demiri.
