Sipas rezultateve të anketës së fundit të Institutit të Shëndetit Publik (ISHP), tek meshkujt që kryejnë marrëdhënie seksuale me meshkuj në Shkup, prevalenca e vlerësuar është 5,4 për qind, që do të thotë se në Republikën e Maqedonisë së Veriut për herë të parë regjistrohet një epidemi e koncentruar në një grup të caktuar të popullsisë.
Sipas rezultateve të anketës së fundit të Institutit të Shëndetit Publik (ISHP), tek meshkujt që kryejnë marrëdhënie seksuale me meshkuj në Shkup, prevalenca e vlerësuar është 5,4 për qind, që do të thotë se në Republikën e Maqedonisë së Veriut për herë të parë regjistrohet një epidemi e koncentruar në një grup të caktuar të popullsisë.
Kështu thuhet në raportin e fundit vjetor të Institutit të Shëndetit Publik për aktivitetet e realizuara në përputhje me programin për mbrojtjen e popullatës nga infeksioni HIV, i përgatitur nga Zharko Karadzovski, Gazmend Ismani dhe Zivadinka Cvetanovska, specialiste për diagnostikimin mikrobiologjik.
Në dokumentin në fjalë thuhet se në vitin 2023 janë pranuar aplikime për 50 persona të sapo-regjistruar me HIV/AIDS në Maqedoni. Numri i rasteve në vitin 2023 është më i lartë për 0,8 për qind krahasuar me vitin 2022, kur ishin regjistruar 42 raste. Ndërkohë krahasuar me mesataren e dhjetë viteve të kaluara (2013-2022), është regjistruar një rritje prej 22 për qind”, thuhet në raport.
Në vitin 2023, nga rastet e regjistruara, 46 ishin meshkuj dhe 4 femra. Mosha mesatare e rasteve të reja është 35 vjeç. 74 për qind e rasteve janë nga mosha 20 deri në 39 vjeç.
“Nga rastet e regjistruara në vitin 2023, shumica prej tyre janë me vendbanim në Shkup, ndërsa 4 raste janë regjistruar në Strumicë. Rastet tjera janë regjistruar si raste sporadike në 18 qytete të tjera”, thuhet në dokument.
Sipas mënyrës së transmetimit, numri më i madh i rasteve (60.5 për qind) janë tek meshkujt që kanë kryer marrëdhënie seksuale me një mashkull, mënyra heteroseksuale e transmetimit është regjistruar në 210 raste dhe personat që injektojnë drogë 1.9 për qind”, thuhet në raport.
