“Është shumë e qartë, duke parë rrugët e fluturimit të avionëve dhe komunikimet radio, se Black Hawk-it iu kërkua të ruante ndarjen vizuale nga Fluturimi 5342 për një arsye – dhe ne nuk e dimë atë arsye,” tha Tony Stanton nga Autoriteti Australian i Sigurisë së Aviacionit për CNN.
“Ky është një nga aspektet që do të më interesonte ta hetoja. Çfarë e bëri ekuipazhin e Black Hawk të mos respektonte autorizimin që iu dha?”
Sipas zëdhënëses së Joint Task Force-National Capital Region, Heather Chairez, helikopteri Black Hawk i Ushtrisë Amerikane ishte në një fluturim stërvitor në momentin e incidentit.
Stanton shtoi se, ndryshe nga shumë kulla të tjera të kontrollit të trafikut ajror (ATC), Kulla e Uashingtonit përdor dy frekuenca radio për komunikim – një për helikopterët dhe një tjetër për avionët e tjerë.
“Pra, në këtë rast, Black Hawk do të komunikonte me kullën në një frekuencë, ndërsa Fluturimi 5342 në një tjetër,” tha ai, duke shtuar se kjo mund të ketë krijuar një “pengesë në ndërgjegjësimin situacional mes pilotëve” që çoi në përplasjen.
