Bashkatdhetarët, të cilët qëndruan në vendlindjet e tyre për festat e fundvitit, tashmë kanë filluar të kthehen në vendet ku ata jetojnë dhe veprojnë.
Gjendja në vendkalimet kufitare raportohet të jetë e qetë, ndërsa në pikën kufitare të dhënat e fundit nga Qendra Kombëtare për Menaxhim Kufitar tregojnë se kanë nisur të krijohen kolona.
Te Dheu i Bardhë qytetarët po presin për dalje deri në 30 minuta, kolonat arrijnë deri 100 metra.
Ndërkaq, pikat e tjera kufitare janë të qeta, ku dalja dhe hyrja mund të bëhet brenda pesë minutave.
Vendkalimet kufitare me Serbinë kanë qenë të ngarkuara ditëve të fundit, ku pritja në kufi ka zgjatur deri në tri orë.
