Mësohet se flmi i metrazhit të gjatë “Pikë uji” tashmë është propozuar për garën e Oscar, garë në të cilën do të marrë pjesë Shqipëria, përcjell albinfo.ch.
Filmi me skenar dhe regji të Robert Budinës, e me prouducente Sabina Kodra, sjell një histori të Aidës (Gresa Pallska), e cila është një grua në karrierë, por që jeta e përplas me një problem familjar, problem pastaj që shpërfaq fuqinë e politikës dhe drejtësisë.
Në këtë film, përpos Gresa Pallaskës, me role të tyre janë përfshirë edhe aktorët: Arben Bajraktaraj, Adem Karaga, Gerhard Koloneci, Kodjana Keco, Paolo Iancu, Henri Topi…
Se janë propozuar për të garuar për Oscar, është bërë e ditur nga EraFilm Production, njoftim që e sjellim të plotë në vijim.
Jemi jashtëzakonisht të lumtur të njoftojmë se filmi “Pikë uji” është përzgjedhur për të përfaqësuar Shqipërinë në garën për Oscar! Për ne, ky është vlerësimi më i madh që mund të marrësh nga vendi yt.
