Real Madrid dhe Bajern Munihu, dy nga klubet më të mëdha në botë, kanë pasur gjithnjë një marrëdhënie shumë të mirë ndërmjet tyre. Në vitet e fundit, Reali i ka marrë Bajernit lojtarë si Kroos apo Alaba, por “mbretërit” nuk ndalen këtu, pasi këtë verë kanë piketuar edhe dy yje të tjerë.
Sipas “Bild”, jo vetëm Dejvis, anësorin kanadez, por Reali së fundmi ka shfaqur interesim edhe për talentin 20-vjeçar, Xhamal Musiala.
Fantazisti ka një kontratë me Bajernin deri më 30 qershor 2026, por palët janë ftohur shumë këtë periudhë, aq sa flitet për një divorc të parakohshëm.
Reali kërkon të përfitojë nga kjo situatw, teksa janë të gatshëm të investojnë për një nga talentet më premtues të futbollit evropian.
