Serbia ka “filluar t’i tërheqë” forcat e pozicionuara në kufirin me Kosovën, njoftoi Shtëpia e Bardhë, disa ditë pas paralajmërimeve për një dislokim në shkallë të gjerë të ushtrisë serbe në zonë.
“Ne kemi filluar t’i shohim ata të tërheqin forcat e tyre dhe kjo është një gjë e mirë”, u tha gazetarëve zëdhënësi i Këshillit të Sigurisë Kombëtare John Kirby.
Sipas tij, kjo do të ndihmojë në qetësimin e situatës, por jo largimin e tensionit, por vetëm “de-përshkallëzimin”, raporton N1.
Shefi i Shtabit të Përgjithshëm të Forcave të Armatosura të Serbisë (SAF), Milan Mojsiloviq, tha dje se “mënyra e funksionimit të njësive në Zonën e Sigurisë Tokësore për detyrat e sigurimit të, siç e quan ai, vijës administrative, është kthyer në normale, dhe se kjo do të thotë numër i rregullt i njësive të angazhuara në Zonën e Sigurisë së Tokës”.
