Kryeministri bullgar Nikolai Denkov thotë se qeveria e tij nuk ka arsye të ndryshojë qëndrimin ndaj Maqedonisë dhe pret që RMV të përmbushë detyrimet e marra me propozimin francez.
Këtë e theksoi Denkov në një intervistë për “24 çasa”, duke theksuar se vetoja u hoq duke rënë dakord për zbatimin e propozimit francez dhe se bisedimet nuk janë mes Bullgarisë dhe Maqedonisë së Veriut, por Maqedonisë dhe BE-së.
I pyetur nëse qëndrimi bullgar ndaj Maqedonisë do të ndryshojë sepse disa politikanë në Shkup shpresojnë se mund të ndodhë presion i ri evropian ndaj Sofjes, Denkov tha se kjo nuk do të ndodh.
“Absolutisht jo. Me zbatimin e të ashtuquajturit propozim francez, si rezultat i të cilit u hoq vetoja, në fakt biseda nuk është më mes Bullgarisë dhe Maqedonisë së Veriut, por mes RMV-së dhe BE-së. Ajo që pritet është që fqinjët tanë të përmbushin detyrimet e marra ndaj BE-së. Nuk ka arsye për të ndryshuar qëndrimin tonë”, tha Denkov.
