Prindërit nuk kanë kërkuar fare mendim nga një institucioi përkatës në lidhje me mundësinë apo pamundësinë për përfundimin e mjekimit, përkatësisht për rehabilitimin e atij fëmije në institucionet tona. Fillimisht le të ecim në atë rrugë dhe vetëm pastaj të themi, ta rishikojmë të gjithë dokumentacionin mjekësor, ta shohim pacientin klinik dhe vetëm më pas kolegumi i ekspertëve të klinikave përkatëse të japë mendimin e tij dhe të thotë nëse ka apo jo mundësi për vazhdimin e mjekimit apo për rehabilitim në institucionet tona.
Kështu është përgjigjur zëvendësministrja e Shëndetësisë, Maja Manoleva, në pyetjen e gazetarës nëse është e njohur me rastin e pacientit Leonid Indov, i cili më 6 shkurt shkoi në Vjenë për të marrë trajtim që do t’i mundësonte heqjen e aparatit respirator dhe të jetë në gjendje të fillojë të marrë frymë në mënyrë të pavarur.
E pyetur nëse do të ketë ndryshime ligjore për atë se si do të veprohet në të ardhmen me raste të tilla, ajo tha se si Ministri duhet të veprojnë me nismën e deputetëve dhe qytetarëve, por theksoi se në vend ka një sistem shëndetësor i cilit vitet e fundit përsa i përket pajisjeve është i avancuar.
Në pyetjen e gazetarëve nëse kishte komunikuar me qeverinë dhe me drejtorët për dërgimin e Leonidit me helikopter në Vjenë, ajo tha se largimi i tij ishte me kërkesë individuale të prindit drejtuar QMK-së, e cila ndau informacionin me MPB-në, ndërsa MPB-ja, për shkak të memorandumit të nënshkruar për bashkëpunim me Ministrinë e Shëndetësisë, mundësoi transportin me helikopter të një pacienti të rëndë nga Shkupi në Vjenë.
Lidhur me arsyen pse në atë kohë nuk e theksoi mundësinë për rehabilitim në vend, tha se disa muaj më parë ka pasur takim me prindërit e pacientit, në të cilin u ka shpjeguar, si specialiste e fushës, si duhet të jetë rruga e fëmijës.
“Nuk është e vërtetë që nuk kemi shfaqur interes, se nuk kemi mundësuar asgjë deri më tani. Vendimi ishte i tyre. Ju nuk mund të ndikoni në vendimin e askujt për të kërkuar atë që ata mendojnë se është më e mira për dikë. Unë i mbështes absolutisht dhe jam ende në dispozicion të prindërve për çdo ndihmë që mund të bëj personalisht si mjeke dhe si zëvendësministër, por edhe si specialiste e mjekësisë fizike dhe rehabilitimit”, tha Manoleva.
Drejtori i QMK-së, Stojançe Angellov dje në konferencë për shtyp në lidhje me mjekimin e Leonid Indov në Vjenë theksoi se nuk ka dyshim se duhej të kryhet transporti mjekësor.
Shpjegoi se më 4 janar në QMK ka mbërritur një mail nga babai i Leonidit, Branko Indov, në të cilin kërkonte transport mjekësor me helikopter nga Shkupi në Vjenë në Austri, për djalin e tij i cili është i sëmurë nga paraplegjia dhe tha se babai gjithashtu ka thënë se është i gatshëm që transportin ta paguajë privatisht, diçka që qëndron në vetë kërkesën e tij.
Më 6 shkurt, Leonid shkoi në Vjenë për të marrë trajtim që do t’i mundësonte atij të lirohet nga respiratori dhe të mund të fillojë të marrë frymë në mënyrë të pavarur. Ai ishte pacienti i parë i transportuar me helikopter të policisë në Vjenë. Megjithatë, FSSH e refuzoi kërkesën, duke sqaruar se nuk bëhet fjalë për referim për mjekim jashtë vendit, por për kryerjen e shërbimit shëndetësor rehabilitues mjekësor si trajtim spitalor i zgjatur.
