Bëhet fjalë për një Trojan të quajtur “GoldDigger” që vjedh informacionin bankar të përdoruesve të iOS, dhe fillimisht është krijuar për Android.
Megjithatë, me zhvillim të mëtejshëm, ai është përshtatur që të jetë në gjendje të sulmojë ata që kanë një iPhone ose iPad. Kompania pretendon se është trojani i parë i krijuar për iOS dhe se është mjaft i rrezikshëm pasi mbledh SMS, dokumente personale si dhe të dhëna për njohjen e fytyrës.
Me ndihmën e këtyre të dhënave, hakerët mund të përdorin inteligjencën artificiale për të krijuar falsifikime të thella, duke aksesuar kështu të dhënat e përdoruesve. Deri në momentin që ata ta kuptojnë këtë, ndoshta do të jetë tepër vonë.
Fillimisht, ky Trojan u prezantua përmes Apple TestFlight, i cili lejon zhvilluesit të lëshojnë versionet beta të aplikacioneve të tyre pa pasur nevojë të kalojnë vlerësimin e Apple.
Ky virus është i pranishëm në të gjithë botën, megjithëse objektivi kryesor i tij janë njerëzit në Tajlandë dhe Vietnam, sipas kompanisë së sigurisë kibernetike. Aktualisht nuk ka zgjidhje konkrete, ndaj është më mirë të shmangni aplikacionet që nuk jeni të sigurt se nga vijnë.
