Sipas regjistrimit të fundit të popullsisë në Gjermani (2022), në këtë vend jetojnë 222,000 persona me prejardhje nga Maqedonia e Veriut, nga të cilët 158,000 kanë lindur në Maqedoninë e Veriut, thuhet në hulumtimin e fundit të Institutit për Politika Publike “Arbën Xhaferi”.
“Nga viti 2020 deri në vitin 2022, numri i qytetarëve me prejardhje nga Maqedonia e Veriut është rritur për 44%, nga 154,000 në 222,000;
32,000 qytetarë të Maqedonisë së Veriut janë larguar drejt Gjermanisë në vitin 2021, dhe 53,000 të tjerë në vitin 2022;
Pra, për vetëm dy vite, 85,000 qytetarë të Maqedonisë së Veriut janë larguar drejt Gjermanisë. Me fjalë tjera, për dy vite, vendi ka humbur 4.6% të popullsisë rezidente për shkak të emigrimit masiv drejt Gjermanisë”, thuhet në hulumtimin e fundit të Institutit për Politika Publike “Arbën Xhaferi”.
